సినిమా కబుర్లు.. సంక్షిప్త సమాచారం

 *  'అఖిల్' సినిమా ద్వారా టాలీవుడ్ కి పరిచయమైన కథానాయిక సాయేశా సైగల్ తమిళ నటుడు ఆర్యను పెళ్లాడనున్న సంగతి తెలిసిందే. ఈ నెల రెండో వారంలో హైదరాబాదులో వీరి వివాహ వేడుక జరుగుతుంది. కాగా, వివాహమయ్యాక కూడా నటన కొనసాగిస్తానని, సినిమాలకు స్వస్తి చెప్పే ఉద్దేశం లేదని సాయేశా తాజాగా చెప్పింది.
*  అల్లు అర్జున్, త్రివిక్రమ్ కలయికలో రూపొందే చిత్రం షూటింగ్ ఎప్పుడు ప్రారంభం అవుతుందా అని అభిమానులు ఎదురుచూస్తున్నారు. అయితే, స్క్రిప్టుకు ఇంకా మార్పులు చేర్పులు చేస్తున్నందున ఆలస్యమవుతోందని అంటున్నారు. అలాగే కథానాయికను కూడా ఇంకా ఎంపిక చేయలేదు.
*  ఇటీవల వైఎస్ రాజశేఖర్ రెడ్డి బయోపిక్ గా 'యాత్ర' చిత్రాన్ని రూపొందించి మంచి పేరు తెచ్చుకున్న దర్శకుడు మహి వి రాఘవ్ ఇప్పుడు నిర్మాతగా మారుతున్నాడు. తన మిత్రులతో కలసి త్రీ ఆటమన్ లీవ్స్ పేరిట నిర్మాణ సంస్థను నెలకొల్పారు.