పాకిస్థాన్, చైనాల మధ్య విమాన సర్వీసులు రద్దు

భారత్- పాకిస్థాన్ ల మధ్య నెలకొన్న ఉద్రిక్తతల నేపథ్యంలో పాకిస్థాన్ కు వెళ్లాల్సిన విమానాలను చైనా రద్దు చేసింది. పాకిస్థాన్ నుంచి వచ్చే విమానాలను కూడా నిలిపివేయనున్నట్టు తెలిపింది. పాకిస్థాన్ తన గగనతలాన్ని మూసివేసిన నేపథ్యంలో ఈ నిర్ణయం తీసుకున్నట్టు చైనా అధికారులు తెలిపారు. మరోవైపు, పాకిస్థాన్ నిర్ణయంతో ప్రభావితమైన అంతర్జాతీయ ఎయిర్ లైన్లు తమ గగనతలాన్ని వినియోగించుకోవడానికి చైనా అనుమతించింది. ఇదే సమయంలో ఉద్రిక్త పరిస్థితులకు స్వస్తి పలకాలని ఇండియా, పాకిస్థాన్ లకు చైనా సూచించింది.