టెక్సాస్ లో భార్య శాంతిని కాల్చి చంపి, తనను తాను కాల్చుకున్న శ్రీనివాస్!

టెక్సాస్ లో ఓ తెలుగు యువకుడు దారుణానికి తెగబడ్డాడు. కుటుంబ కలహాల కారణంతో తన భార్యను చంపి, తానూ ఆత్మహత్య చేసుకున్నాడు. పోలీసులు, తెలుగు సంఘాల నాయకులు వెల్లడించిన వివరాల ప్రకారం, నెకరకంటి శ్రీనివాస్ అనే వ్యక్తి, ఇక్కడి ఓ ఇంధన కంపెనీలో ఉద్యోగం చేస్తుండగా, అతనికి భార్య శాంతి, ఓ కుమారుడు, కుమార్తె ఉన్నారు.

 నిన్న ఆ ఇంటి నుంచి తుపాకీ శబ్దాలు వినిపించడంతో స్థానికులు ఇచ్చిన సమాచారం మేరకు పోలీసులు వచ్చారు. అప్పటికే శాంతి, శ్రీనివాస్ లు విగత జీవులుగా కనిపించారు. ఆ సమయంలో వీరి కుమార్తె ఇంట్లోనే తన గదిలో ఉండగా, కుమారుడు చదువు నిమిత్తం కాలేజీకి వెళ్లాడని పోలీసులు తెలిపారు. శ్రీనివాస్, శాంతి మధ్య గొడవ ఎందుకు జరిగిందన్న విషయమై కుమార్తె వద్ద సమాచారం లేదని, కేసును విచారిస్తున్నామని తెలిపారు.