ఐదారు రోజుల్లోనే క్యాబినెట్ విస్తరణ... తేల్చేసిన కేసీఆర్!

తెలంగాణ రాష్ట్ర మంత్రివర్గ విస్తరణ ఎప్పుడు ఉంటుందన్న విషయాన్ని కేసీఆర్ తేల్చేశారు. ఈ విషయమై ముఖ్య నేతలు, ఎమ్మెల్యేలతో మాట్లాడిన ఆయన, వచ్చే ఐదారు రోజుల్లోనే విస్తరణ ఉంటుందని అన్నారు. భవిష్యత్తులో హైదరాబాద్ మహానగరం ఎలా ఉండాలన్న విషయమై ప్రగతి భవన్ లో సమీక్ష నిర్వహించిన ఆయన, ఆపై పలువురు ఎమ్మెల్యేలు, నేతలతో సమావేశం అయ్యారు.

 ఈ సమావేశంలో విస్తరణ అంశం చర్చకు రాగా, తొలిసారిగా స్పందించిన కేసీఆర్, అతి త్వరలోనే ఉంటుందని అన్నారట. ఈ నెల 17వ తేదీన కేసీఆర్ పుట్టినరోజు కాగా, అంతకన్నా ముందే విస్తరణ ఉంటుందని టీఆర్ఎస్ వర్గాలు చెబుతున్నాయి. ఇక కేసీఆర్ బర్త్ డే వేడుకలను రాష్ట్రవ్యాప్తంగా ఘనంగా నిర్వహించేందుకు టీఆర్ఎస్ శ్రేణులు భారీ ఏర్పాట్లు చేస్తున్నాయి.