'కథానాయకుడి'లో బాలయ్య నటన అద్భుతం: సీఎం చంద్రబాబు

ఎన్టీఆర్‌ బయోపిక్‌ తొలిభాగం ‘కథానాయకుడు’లో నందమూరి బాలకృష్ణ అద్భుతంగా నటించారని, క్రిష్‌ దర్శక పటిమ అభినందనీయమని ముఖ్యమంత్రి చంద్రబాబునాయుడు అన్నారు. శుక్రవారం ఉదయం ఉండవల్లిలోని సీఎం నివాసంలో నటుడు బాలకృష్ణ, దర్శకుడు క్రిష్‌లు చంద్రబాబును కలుసుకున్నారు.

ఈ సందర్భంగా సీఎం దర్శకనటులిద్దరినీ సత్కరించి అభినందనలు తెలిపారు. అనంతరం మాట్లాడుతూ ఎన్టీఆర్‌ పాత్రలో బాలయ్య అద్భుతంగా నటించారని, క్రిష్‌ మంచి చిత్రరూపం ఇచ్చారని కితాబునిచ్చారు. ఎన్టీఆర్‌ జీవితాన్ని, కార్యదక్షతను, త్యాగాన్ని ప్రజలకు అర్థమయ్యే రూపంలో చిత్ర రూపం ఇచ్చారని ఇద్దరినీ ప్రశంసించారు.