టీఆర్ఎస్ లో చేరనున్నారనే వార్తలపై జగ్గారెడ్డి స్పందన

తాను కాంగ్రెస్ పార్టీని వీడే ప్రసక్తే లేదని ఆ పార్టీ ఎమ్మెల్యే జగ్గారెడ్డి స్పష్టం చేశారు. కాంగ్రెస్ నుంచి గెలుపొందిన ఇతర ఎమ్మెల్యేలు కూడా పార్టీ మారుతారని తాను భావించడం లేదని చెప్పారు. ఎన్నికల్లో పార్టీ ఓటమికి ఏ ఒక్కరిదో బాధ్యత కాదని... నేతలంతా సమష్టిగా బాధ్యత తీసుకోవాలని తెలిపారు. రాజకీయ విమర్శలకు ఇచ్చినంత ప్రాధాన్యతను... మేనిఫెస్టోను ప్రజల్లోకి తీసుకెళ్లడంలో ఇవ్వలేదని చెప్పారు. ఓటమికి కారణాలను సమీక్షించి, పార్టీని బలోపేతం చేసే దిశగా చర్యలు చేపట్టాలని తెలిపారు.