ముంబై దూరదర్శన్ కార్యాలయంలో అగ్ని ప్రమాదం

ముంబైలోని దూరదర్శన్ కార్యాలయ భవనంలో అగ్ని ప్రమాదం సంభవించింది. వర్లీ ప్రాంతంలో జరిగిన ఈ ప్రమాదంలో ప్రైవేట్ ఎఫ్ఎం ఛానల్స్ కు చెందిన ట్రాన్స్ మిషన్ పూర్తిగా దెబ్బతింది. దీంతో, ప్రసారాలు ఆగిపోయాయి. దాదాపు 40 నిమిషాల సేపు ప్రైవేట్ ఎఫ్ఎం రేడియో ప్రసారాలకు అంతరాయం కలిగినట్టు సమాచారం. అయితే, తాత్కాలిక మరమ్మతులతో ప్రసారాలను తిరిగి కొనసాగించారు.