ఆ విషయాన్ని ఎమ్మెల్యే చింతమనేని మరోసారి నిరూపించాడు: విజయసాయిరెడ్డి

గుంటూరు జిల్లాలో కాజా టోల్ ప్లాజా వద్ద టీడీపీ ఎమ్మెల్యే చింతమనేని ప్రభాకర్ కారును నిన్న అడ్డుకున్న సంగతి తెలిసిందే. టోల్ ఫీజును కట్టాలని చెప్పడంతో ఆగ్రహానికి లోనయిన చింతమనేని తన కారును అక్కడే వదిలి వెళ్లిపోయారు. ఈ వ్యవహారంపై వైసీపీ ఎంపీ విజయసాయిరెడ్డి స్పందించారు.

చంద్రబాబు ఎంత అసమర్థుడో చింతమనేనికి బాగా తెలుసని, తనను నిలువరించే దమ్మూధైర్యం ఆయనకు లేవని టోల్ గేట్ సాక్షిగా మరోసారి నిరూపించాడని ఘాటు వ్యాఖ్యలు చేశారు. ఈ సందర్భంగా అమరావతిలోని నీరుకొండపై దివంగత సీఎం ఎన్టీఆర్ విగ్రహాన్ని ఏర్పాటు చేస్తానని చంద్రబాబు ప్రకటించడంపైనా ఆయన విమర్శలు గుప్పించారు. రూ.వెయ్యి కోట్లు ఖర్చు పెట్టి ఎన్టీఆర్ విగ్రహం ఏర్పాటు చేసేందుకు నిధులు ఎక్కడి నుంచి వచ్చాయో చంద్రబాబు చెప్పాలని డిమాండ్ చేశారు.