సినిమా కబుర్లు.. సంక్షిప్త సమాచారం

*  కొరియన్ చిత్రం 'మిస్ గ్రానీ' ఆధారంగా నందిని రెడ్డి దర్శకత్వంలో సమంత కథానాయికగా ఓ చిత్రం రూపొందనున్న విషయం తెలిసిందే. దీనికి 'ఓ బేబీ' అనే పేరును నిర్ణయించారు. 'ఎంత సక్కగున్నావే' అన్నది దీనికి ఉప శీర్షిక.
*  ప్రస్తుతం 'జెర్సీ' చిత్రంలో నటిస్తున్న హీరో నాని దీని తర్వాత విక్రంకుమార్ దర్శకత్వంలో ఓ చిత్రాన్ని చేయనున్నాడు. ఇందులో నాని ప్లే బాయ్ తరహా పాత్రను పోషిస్తాడని సమాచారం. ఇందులో పలువురు హీరోయిన్లు నటిస్తారు.
*  వరుణ్ తేజ్ హీరోగా సంకల్ప్ రెడ్డి దర్శకత్వంలో రూపొందిన 'అంతరిక్షం' చిత్రం ఈ నెల 21న విడుదలవుతోంది. కాగా, దీనికి సీక్వెల్ చేసే యోచనలో వున్నట్టు దర్శకుడు సంకల్ప్ రెడ్డి తాజాగా వెల్లడించాడు. దీని కథ పాయింట్ కూడా అనుకున్నామని, క్రిష్ బ్యానర్లో ఇది ఉంటుందని ఆయన చెప్పాడు.