'వినయ విధేయ రామ' కోసం పోటీపడుతోన్న బయ్యర్లు

మెగా అభిమానులంతా ఇప్పుడు 'వినయ విధేయ రామ' పైనే దృష్టి పెట్టారు. చరణ్ .. కైరా అద్వాని జంటగా నటించిన ఈ సినిమాను సంక్రాంతి కానుకగా ప్రేక్షకుల ముందుకు తీసుకురానున్నారు. మాస్ యాక్షన్ సినిమాలను తెరకెక్కించడంలో బోయపాటి సిద్ధహస్తుడు. ఇక మాస్ హీరోగా చరణ్ కి మంచి క్రేజ్ వుంది. అందువలన ఈ కాంబినేషన్ పై భారీ అంచనాలు వున్నాయి. ఈ కారణంగానే ఈ సినిమా ప్రీ రిలీజ్ బిజినెస్ ఒక రేంజ్ లో జరుగుతోందని సమాచారం.

ఈ సినిమాలో యాక్షన్ తో పాటు కుటుంబ సభ్యుల మధ్యగల బంధాలు .. అనుబంధాలు వుంటాయి. కలిసి ఉండటంలోని కమ్మదనాన్ని ఈ సినిమాలో ఆవిష్కరించనున్నారు. ఒక రకంగా చెప్పాలంటే సంక్రాంతికి తగిన సినిమా ఇది. అందువలన ఈ సినిమా థియేట్రికల్ హక్కులను సొంతం చేసుకోవడానికి బయ్యర్లు పోటీపడుతున్నారట. నైజామ్ ఏరియా హక్కులు 24 కోట్లకి అమ్ముడై .. నాన్ 'బాహుబలి' రికార్డును సృష్టించాయని అంటున్నారు. ఇక హిందీ శాటిలైట్ హక్కుల డీల్ 22 కోట్లకి కుదిరినట్టుగా చెబుతున్నారు.