శంషాబాద్‌ అంతర్జాతీయ విమానాశ్రయంలో ఓ వ్యక్తి నుంచి 22 బుల్లెట్లు స్వాధీనం
- భద్రతా పరమైన తనిఖీల్లో బయటపడడంతో కలకలం
- తరలిస్తున్న వ్యక్తిని ఇటలీకి చెందిన నికోలి సంగర్‌ మనోగా గుర్తింపు
- నిందితుడిని అదుపులోకి తీసుకుని విచారిస్తున్న పోలీసులు
అత్యంత కట్టుదిట్టమైన భద్రతా ఏర్పాట్లున్న హైదరాబాద్‌లోని శంషాబాద్‌ అంతర్జాతీయ విమానాశ్రయంలోకి 22 బుల్లెట్లను తీసుకువెళుతూ ఓ వ్యక్తీ పోలీసులకు చిక్కాడు. విమానాశ్రయం భద్రతా సిబ్బంది తమ తనిఖీల్లో వీటిని గుర్తించారు. తరలిస్తున్న వ్యక్తిని ఇటలీకి చెందిన నికోలి సంగర్‌ మనోగా గుర్తించి అదుపులోకి తీసుకున్నారు. వీటిని అతను ఎందుకు తరలిస్తున్నాడు, ఎక్కడికి తీసుకువెళ్తున్నాడన్న దానిపై ఆరాతీస్తున్నారు.
