రామ్ చరణ్ 'రంగస్థలం' రికార్డును తిరగరాసిన విజయ్ 'సర్కార్'!

తొలుత మిక్సెడ్ టాక్ వచ్చినప్పటికీ, కలెక్షన్ల పరంగా దూసుకెళుతున్న విజయ్ కొత్త చిత్రం 'సర్కార్' ఈ సంవత్సరం విడుదలైన రామ్ చరణ్ 'రంగస్థలం' నెలకొల్పిన రికార్డును బ్రేక్ చేసింది. రెండు రోజుల్లోనే రూ. 100 కోట్ల గ్రాస్ ను సాధించిన 'సర్కార్' రెండు వారాల్లో రూ. 225 కోట్ల గ్రాస్ ను అధిగమించింది. దీంతో ఈ సంవత్సరం సౌతిండియాలో రెండు వారాల్లోనే అత్యధిక గ్రాస్ సాధించిన చిత్రంగా నిలిచింది. ఇప్పటివరకూ ఈ రికార్డు రెండు వారాల్లో రూ. 218 కోట్లు వసూలు చేసిన 'రంగస్థలం' పేరిట ఉంది. మూడో వారంలోనూ 'సర్కార్' కలెక్షన్ల విషయంలో దూకుడుగానే ఉండటంతో మరిన్ని రికార్డులు బద్దలవుతాయని విజయ్ అభిమానులు భావిస్తున్నారు.