సూర్యాపేటలో పెట్రోల్ పోసుకుని ఆత్మహత్యకు యత్నించిన వైయస్ అభిమాని

మాజీ ముఖ్యమంత్రి వైయస్ రాజశేఖరరెడ్డి అభిమాని ఆత్మహత్యాయత్నం చేయడం కలకలం రేపింది. సూర్యాపేట పట్టణంలోని ఖమ్మం క్రాస్ రోడ్ వద్ద ఈ ఘటన చోటు చేసుకుంది. సాజిద్ ఖాన్ అనే వ్యక్తి వైయస్ కు వీరాభిమాని. అక్కడ ఉన్న ఓ టీస్టాల్ లో వైయస్ ఫొటోను స్థానిక టీఆర్ఎస్ నేతలు తొలగించారు. దీంతో, తీవ్ర మనస్తాపానికి గురైన సాజిద్... ఒంటిపై పెట్రోల్ పోసుకుని ఆత్మహత్యాయత్నం చేశాడు. వెంటనే స్పందించిన స్థానికులు అతన్ని అడ్డుకున్నారు. దీంతో, పెను ప్రమాదం తప్పింది.