సెల్‌ఫోన్ విషయంలో విద్యార్థుల మధ్య గొడవ.. ఒకరి మృతి!

సెల్‌ఫోన్ విషయంలో చిన్నారుల మధ్య జరిగిన గొడవ ఒకరి ప్రాణాన్ని బలి తీసుకుంది. ఖమ్మం జిల్లాలోని ఓ ప్రభుత్వ గిరిజన పాఠశాలలో సెల్‌ఫోన్ విషయంలో నాలుగో తరగతి చదువుతున్న విద్యార్థుల మధ్య గొడవ జరిగింది. ఆ సమయంలో హాస్టల్ వార్డెన్ లేకపోవడంతో చిన్నారులు ఒకరిపై ఒకరు దాడి చేసుకునే వరకూ విషయం వెళ్లింది.

ఈ ఘటనలో జోసఫ్ అనే విద్యార్థి తీవ్రంగా గాయపడ్డాడు. విషయం తెలుసుకున్న పాఠశాల సిబ్బంది జోసఫ్‌ను వెంటనే ఆసుపత్రికి తరలించారు. అయినా ఫలితం దక్కలేదు. జోసఫ్ అప్పటికే మృతి చెందినట్టు వైద్యులు తెలిపారు. పోలీసులు కేసు నమోదు చేసి దర్యాప్తు చేస్తున్నారు.