ఏపీ నాశనం కావాలని ప్రతిపక్షాలు కోరుకుంటున్నాయి: మంత్రి సోమిరెడ్డి ఫైర్
- అవినీతి రాష్ట్రంగా చూపాలని బీజేపీ, జగన్ యత్నం
- ఎంత ప్రయత్నించినా అలా చిత్రీకరించలేరు
- తుపాన్ బాధితులను ఆదుకునేందుకు సీఎం శ్రమిస్తున్నారు
ఏపీ నాశనం కావాలని ప్రతిపక్షాలు కోరుకుంటున్నాయని మంత్రి సోమిరెడ్డి చంద్రమోహన్ రెడ్డి మండిపడ్డారు. ఈరోజు ఆయన మీడియాతో మాట్లాడుతూ, ఏపీని అవినీతి రాష్ట్రంగా చూపాలని బీజేపీ, జగన్ యత్నిస్తున్నారని, వారు ఎంత ప్రయత్నించినా ఆ విధంగా చిత్రీకరించలేరని అన్నారు. ఈ సందర్భంగా తిత్లీ తుపాన్ బాధితులను ఆదుకునేందుకు సీఎం చంద్రబాబు శ్రమిస్తున్నారని, కొబ్బరి, జీడిమామిడితోటలు పూర్తిగా ధ్వంసమయ్యాయని, జీడిమామిడితోటలకు హెక్టారుకు రూ.25 వేల నష్టపరిహారం ప్రకటించామని అన్నారు. ఒక్కో మండలానికి ఒక్కో మంత్రి ఇంఛార్జ్ గా వ్యవహరిస్తున్నారని, సహాయ చర్యలను పర్యవేక్షిస్తున్నారని చెప్పారు.
