మల్టీ స్టారర్కు సంతకం చేసిన రామ్?
- ‘హలో గురు ప్రేమకోసమే’ షూటింగ్లో బిజీగా ఉన్న రామ్
- హిట్ కొట్టిన దర్శకుడితో మల్టీ స్టారర్
- త్వరలో అధికారిక ప్రకటన
తాజాగా యువ కథా నాయకుడు రామ్ కూడా ఓ మల్టీ స్టారర్లో కనిపించనున్నాడనే వార్త ఫిలింనగర్లో చక్కర్లు కొడుతోంది. ప్రస్తుతం ‘హలో గురు ప్రేమకోసమే’ చిత్రం షూటింగ్లో బిజీగా గడుపుతున్న రామ్.. కొత్త ప్రాజెక్టుకు సంతకం చేసేశాడట. అది మల్టీస్టారర్ అని, దానికి దర్శకత్వం వహించబోయే దర్శకుడు ఇటీవలే ఓ పెద్ద హిట్ అందుకున్నారని వార్తలు వినవస్తున్నాయి. స్రవంతి మూవీస్ బ్యానర్పై స్రవంతి రవికిశోర్ ఈ చిత్రాన్ని నిర్మించనున్నారు. ఈ సినిమా గురించి త్వరలో అధికారిక ప్రకటన వెలువడుతుందట.
