ప్రియాంక చోప్రా, నిక్ జొనాస్ ల నిశ్చితార్థం.. ఫొటోలు

గత కొంత కాలంగా షికార్లు చేస్తున్న పుకార్లకు బాలీవుడ్ నటి ప్రియాంక చోప్రా, అమెరికన్ సింగర్ నిక్ జొనాస్ లు ముగింపు పలికారు. వారిద్దరి ఎంగేజ్ మెంట్ ఈ ఉదయం ముంబైలోని ప్రియాంక నివాసంలో నిరాడంబరంగా జరిగింది. ఈ సందర్భంగా పసుపు రంగు దుస్తుల్లో ప్రియాంక మెరిసిపోగా... కుర్తా పైజమా ధరించి అందరినీ ఆశ్చర్యంలో ముంచెత్తాడు నిక్.

పూర్తిగా హిందూ సంప్రదాయంలో.. ప్రియాంక, నిక్ ల తల్లిదండ్రుల సమక్షంలో ఈ వేడుక జరిగింది. ప్రియాంక కజిన్, సినీ నటి పరిణీతి చోప్రా కూడా ఈ కార్యక్రమానికి హాజరైంది. ఓ సినిమా షూటింగ్ లో బిజీగా ఉన్న ఆమె.. ఈ కార్యక్రమం కోసం ముంబైకు వచ్చింది. ఈ సాయంత్రం ముంబైలోని ఓ స్టార్ హోటల్ లో వీరు ఎంగేజ్ మెంట్ పార్టీ ఇస్తున్నారు. ఈ పార్టీకి రణవీర్ సింగ్, కరణ్ జొహార్ లతో పాటు పలువురు సెలబ్రిటీలు హాజరవుతున్నారు.