దుల్కర్ సల్మాన్ ను చూసేందుకు వచ్చిన అభిమాని తొక్కిసలాటలో మృతి!

కేరళలోని కొల్లాంలో ఓ మాల్ ప్రారంభోత్సవానికి హీరో దుల్కర్ సల్మాన్ వచ్చిన వేళ, విషాదం చోటు చేసుకుంది. ఇక్కడి కొట్టారక్కర, ఎంసీ రోడ్ లో మాల్ ను ప్రారంభించేందుకు దుల్కర్ ముఖ్య అతిథిగా రాగా, ఆయన్ను చూసేందుకు వేల సంఖ్యలో అభిమానులు వచ్చారు. ఆ సమయంలో అభిమానులను అదుపు చేసేందుకు చాలినంత మంది సెక్యూరిటీ సిబ్బంది లేకపోవడంతో, తొక్కిసలాట చోటు చేసుకుంది.

ఈ ఘటనలో తిరువనంతపురంకు చెందిన హరి (45) మరణించాడు. తొక్కిసలాటలో హరి కుప్పకూలడాన్ని చూసిన పోలీసులు, అతన్ని తమ వాహనంలో ఆసుపత్రికి తరలించగా, అప్పటికే ఆయన మరణించినట్టు వైద్యులు పేర్కొన్నారు.