అది సింహం తోలు కప్పుకున్న గాడిద లాంటింది: 'మతతత్వం' పై రాహుల్ గాంధీ

మతతత్వంపై కాంగ్రెస్ చీఫ్ రాహుల్ గాంధీ కీలక వ్యాఖ్యలు చేశారు. మతతత్వం అనేది సంస్కృతి ముసుగులో దూరి తన వక్రబుద్ధిని ప్రదర్శిస్తుందని అన్నారు. అది సింహం తోలు కప్పుకున్న గాడిదలాంటిదని అభివర్ణించారు. శుక్రవారం రాహుల్ ఓ ట్వీట్‌ చేస్తూ మతతత్వం గురించి ప్రస్తావించారు.

సింహం తోలు కప్పుకున్న గాడిద అడవికి తానే రాజని భావిస్తుందని పేర్కొన్నారు. అసలు రూపాన్ని బయటకు చూపించే సాహసాన్ని అది ఎన్నడూ చేయబోదన్నారు. ప్రస్తుతం మతతత్వం కూడా ఇలానే ప్రవర్తిస్తోందన్నారు. ప్రేమ్‌చంద్ నవలల్లో ఈ విషయం స్పష్టంగా కనిపిస్తుందన్నారు. ప్రముఖ రచయిత ప్రేమ్‌చంద్ 134వ జయంతి (జులై 31)ని పురస్కరించుకుని హిందీలో ఆయన చేసిన ట్వీట్ వైరల్ అవుతోంది.