దేశంలో మోదీని ఎదిరించిన నేత చంద్రబాబే!: మంత్రి ప్రత్తిపాటి

దేశంలో మోదీని ఎదిరించిన నేత చంద్రబాబేనని ఏపీ మంత్రి ప్రత్తిపాటి పుల్లారావు అన్నారు. ఈరోజు ఆయన మీడియాతో మాట్లాడుతూ, అవిశ్వాస తీర్మానంపై చర్చ సందర్భంగా బీజేపీ అసలు స్వరూపం బయటపడిందని, తెలుగోడి ఆగ్రహానికి గురైన ఏ నాయకుడికైనా పతనం తప్పదని మండిపడ్డారు, ఏపీకి చేయూత నివ్వాల్సిన ప్రధాని మోదీ అహంభావంతో వ్యవహరిస్తున్నారని మండిపడ్డారు. కేంద్ర ప్రభుత్వంపై టీడీపీ అవిశ్వాసం పెట్టిన సమయంలో జగన్ కోర్టులో ఉన్నారని, పవన్ కల్యాణ్ ఇంట్లో కూర్చుని ట్వీట్లు చేశారని విమర్శించారు.