తండ్రీకొడుకులుగా రెండు పాత్రల్లో రవితేజ!

ప్రస్తుతం రవితేజ .. శ్రీను వైట్ల దర్శకత్వంలో 'అమర్ అక్బర్ ఆంటోని' సినిమా చేస్తున్నాడు. ఈ సినిమాలో రవితేజ మూడు డిఫరెంట్ గెటప్స్ లో కనిపించనున్నాడు. ఈ సినిమా తరువాత రవితేజ .. దర్శకుడు వి.ఐ.ఆనంద్ తో కలిసి ఒక సినిమా చేయనున్నాడు. ప్రస్తుతం అందుకు సంబంధించిన సన్నాహాలు జరుగుతున్నాయి.

 ఈ సినిమాలో రవితేజ .. తండ్రీ కొడుకులుగా రెండు విభిన్నమైన పాత్రల్లో కనిపించనున్నట్టు తెలుస్తోంది. తండ్రీకొడుకులిద్దరూ ఒకే పోలికతో ఉన్నప్పటికీ వాళ్లిద్దరి మధ్య ఒక చిత్రమైన వ్యత్యాసం వుంటుందట. ఆ విషయమే ఈ సినిమాకి కీలకంగా నిలుస్తుందని అంటున్నారు. ఈ సినిమాలో రవితేజ సరసన ఇద్దరు కథానాయికలు కనిపించనున్నారు. ఆల్రెడీ ఒక కథానాయికగా మాళవిక శర్మను ఎంపిక చేసుకున్నట్టుగా ప్రచారం జరుగుతోంది. అయితే ఇందులో ఎంతమాత్రం వాస్తవం లేదనీ .. ఇంకా కథానాయికలను ఎంపిక చేయలేదని దర్శకుడు వి.ఐ. ఆనంద్ స్పష్టం చేశాడు.