పక్కాగా ప్లాన్ చేసుకుంటోన్న విశాల్ .. ఎన్టీఆర్ కి పోటీగా దసరా బరిలోకి!

త్రివిక్రమ్ దర్శకత్వంలో 'అరవింద సమేత వీర రాఘవ' చిత్రం రూపొందుతోంది. ఎన్టీఆర్ .. పూజా హెగ్డే జంటగా నటిస్తోన్న ఈ సినిమా, ఇప్పటికే కొంతవరకు చిత్రీకరణను జరుపుకుంది. సిక్స్ ప్యాక్ తో కూడిన ఎన్టీఆర్ లుక్ .. ఈ సినిమా నేపథ్యం గురించి వచ్చిన వార్తలు అభిమానుల్లో ఆసక్తిని రేకెత్తిస్తున్నాయి. ఈ సినిమాను దసరాకి భారీస్థాయిలో విడుదల చేయనున్నారు.ఇక తమిళంలో విశాల్ తాజా చిత్రంగా 'పందెం కోడి' సీక్వెల్ రూపొందుతోంది. గతంలో వచ్చిన 'పందెం కోడి' తెలుగులో ఘన విజయాన్ని సాధించింది. ఆ సినిమాను ఇప్పటికీ మరిచిపోని ప్రేక్షకులు, సీక్వెల్ పై ఎంతో ఆసక్తిని కనబరచడం ఖాయం. అలాంటి ఈ సినిమాను తమిళంతో పాటు తెలుగులోను దసరాకి విడుదల చేయడానికి విశాల్ రెడీ అవుతున్నాడు. తాజాగా 'అభిమన్యుడు' ఇచ్చిన హిట్ కారణంగా, ఎన్టీఆర్ మూవీతో పాటు దసరా బరిలోకి దిగేందుకు విశాల్ సాహసం చేస్తున్నాడనే టాక్ ఫిల్మ్ నగర్లో వినిపిస్తోంది.