బీజేపీకి గుడ్ బై చెప్పడంపై విష్ణుకుమార్ రాజు స్పందన
- నాకు అలాంటి ఆలోచన లేదు
- ఎన్నికలకు చాలా సమయం ఉంది
- అంత దూరం ఆలోచించడం లేదు
ఏపీ అసెంబ్లీలో బీజేపీ పక్ష నేత విష్ణుకుమార్ రాజు ఆ పార్టీకి గుడ్ బై చెప్పనున్నారనే ప్రచారం జరుగుతోంది. దీనిపై తాజాగా విష్ణు స్పందించారు. తనకు అలాంటి ఆలోచన లేదని చెప్పారు. పార్టీ ఆదేశిస్తే... మళ్లీ విశాఖపట్నం ఉత్తర నియోజకవర్గం నుంచి పోటీ చేస్తానని తెలిపారు. ఎన్నికలకు ఇంకా చాలా సమయం ఉందని... ఈ నేపథ్యంలో, తాను అంత దూరం ఆలోచన చేయడం లేదని చెప్పారు. మరోవైపు, జనసేనతో కానీ, వైసీపీతో కానీ బీజేపీ పొత్తు పెట్టుకునే అవకాశం ప్రస్తుతానికైతే లేదని అన్నారు.
