శారదగారు నిజంగానే నన్ను కొట్టేశారు .. తరువాత ఏడ్చేశారు: రోజా రమణి

తాజాగా 'ఆలీతో సరదాగా' కార్యక్రమంలో పాల్గొన్న రోజారమణి, ఒక సినిమా షూటింగులో తనకి ఎదురైన అనుభవాన్ని గురించి ప్రస్తావించారు. "తెలుగులో వచ్చిన 'మనుషులు మారాలి' సినిమాను తమిళంలో చేసినప్పుడు నేను శారదాగారి కూతురుగా నటించాను. కథా పరంగా ఆ కుటుంబం చాలా సమస్యలతో ఉంటుంది"

"దాంతో కూతురు పాత్రలో వున్న నేను వెళ్లి ఒక బ్రెడ్ లాంటిదేదో దొంగతనం చేస్తాను. దాంతో ఆ కొట్టువాడు దొంగబుద్ధి అంటూ చాలా అవమానకరంగా మాట్లాడతాడు. ఆ మాటలు విన్న తల్లి పాత్రలోని శారద గారు.. నేను పరిగెడుతూవుంటే వెంటపడి మరీ కొట్టాలి. ఆ సీన్లో ఆమె నిజంగానే నన్ను కొట్టేశారు. ఆ తరువాత సారీ చెబుతూ నన్ను పట్టుకుని ఏడ్చేశారు. పాత్రలో పూర్తిగా ఇన్వాల్వ్ కావడం వలన ఆమె అలా చేశారని ఆ తరువాత అర్థమైంది" అంటూ చెప్పుకొచ్చారు.