సింహాద్రి అప్పన్న సన్నిధిలో తమాషా: హీరో నితిన్ పై దొంగతనం మోపిన ఆలయ అర్చకులు?
- సింహాద్రి అప్పన్నను దర్శించుకున్న నితిన్
- స్వామి వారి ఉంగరం దొంగతనం చేశాడని నితిన్ పై అభియోగం
- చెక్ చేసుకోమన్న నితిన్
ప్రముఖ సినీ నటుడు నితిన్ కు విశాఖపట్టణంలోని సింహ్రాద్రి అప్పన్న సన్నిధిలో చేదు అనుభవం ఎదురైంది. 'ఛల్ మోహన రంగ' సినిమా విడుదలకు ముస్తాబవుతున్న నేపథ్యంలో సింహాద్రీశుని ఆశీర్వాదం తీసుకుందామని నితిన్ సింహాచలం వచ్చాడు. ఆలయంలో నితిన్ ను తాళ్లతో బంధించిన ఆలయ అలంకారి కరి సీతారామాచార్యులు నేరుగా స్థానాచార్యుడు టి.పి.రాజగోపాల్ వద్దకు తీసుకెళ్లారు.
ఆయన నితిన్ తో ‘ఏమండీ.. చాలా సినిమాల్లో హీరోగా నటించి పేరు తెచ్చుకున్నారు.. పైగా బాగా స్థితిమంతులు. అలాటి మీరు స్వామి వారి ఉంగరాన్ని చోరీ చేశారంటే నమ్మశక్యం కాకుండా ఉంది. మర్యాదగా ఇచ్చేయండి.’ అంటూ దొంగతనం మోపారు.
దీంతో బిత్తరపోయిన నితిన్... ‘నేను తియ్యలేదండి, కావాలంటే చెక్ చేసుకోండి’ అంటూ సమాధానమిచ్చాడు. దీంతో మళ్లీ ఆయన ‘శనివారం రాత్రి స్వామివారి ఉంగరం పోయింది. చోరులెవరో కనిపెట్టే పనిలో ఉన్నాం. మాకు ఉంగరం దొరికే వరకు మీరు బందీలుగా ఉండాల్సిందే’ అంటూ స్థానాచార్యుడు హుకుం జారీ చేశారు. దీంతో నితిన్ అలాగే ఉండిపోయారు. ఆ తరువాత మరికొంత మందిని కరి సీతారామాచార్యులు బంధించి తేవడం, రాజగోపాల్ ప్రశ్నించడం జరిగింది. ఈ తతంగాన్ని అక్కడే ఉన్నవారంతా నవ్వుతూ వీక్షించారు.
అయితే దొంగతనం మోపబడిన పలువురు భక్తులు కన్నీటి పర్యంతమయ్యారు. దీంతో ఆలయాధికారులు వారిని ఓదార్చుతూ, సింహగిరి వరాహ లక్ష్మీనృసింహస్వామివారి వార్షిక కల్యాణోత్సవాల్లో చివరి రోజు వినోదోత్సవంలో భాగంగా నిర్వర్తించిన కార్యక్రమమని, అయ్యవారి ఉంగరం దొరికిందని చెప్పారు. దీంతో అంతవరకు దొంగతనం మోపబడి, ఏడ్చిన భక్తులంతా నవ్వుకున్నారు.
కాగా, అప్పన్న కల్యాణోత్సవంలో ఆరోరోజు రాత్రి దొంగలదోపు ఉత్సవం నిర్వహిస్తారు. ఇందులో ఉభయ దేవేరులతో విహారయాత్రకు వెళ్లిన స్వామివారి ఉంగరం కనిపించకపోవడంతో... ఉంగరం ఉంటేనే రావాలని అమ్మవారు షరతు విధించి, అలుగుతుంది. దీంతో స్వామి మర్నాడు ఉదయం ఉంగరాన్ని వెతుక్కునే పనిలో పడతారు. తన తరపు దూతగా వైదికుల్లో ఒకరిని నియోగించి, భక్తులను తాళ్లతో బంధించి తీసుకొచ్చి ప్రశ్నింపజేస్తారు. ఇందులో భాగంగానే నితిన్ తో పాటు పలువురు భక్తులు దొంగలుగా మారారు. అదండీ విషయం!
ఆయన నితిన్ తో ‘ఏమండీ.. చాలా సినిమాల్లో హీరోగా నటించి పేరు తెచ్చుకున్నారు.. పైగా బాగా స్థితిమంతులు. అలాటి మీరు స్వామి వారి ఉంగరాన్ని చోరీ చేశారంటే నమ్మశక్యం కాకుండా ఉంది. మర్యాదగా ఇచ్చేయండి.’ అంటూ దొంగతనం మోపారు.
దీంతో బిత్తరపోయిన నితిన్... ‘నేను తియ్యలేదండి, కావాలంటే చెక్ చేసుకోండి’ అంటూ సమాధానమిచ్చాడు. దీంతో మళ్లీ ఆయన ‘శనివారం రాత్రి స్వామివారి ఉంగరం పోయింది. చోరులెవరో కనిపెట్టే పనిలో ఉన్నాం. మాకు ఉంగరం దొరికే వరకు మీరు బందీలుగా ఉండాల్సిందే’ అంటూ స్థానాచార్యుడు హుకుం జారీ చేశారు. దీంతో నితిన్ అలాగే ఉండిపోయారు. ఆ తరువాత మరికొంత మందిని కరి సీతారామాచార్యులు బంధించి తేవడం, రాజగోపాల్ ప్రశ్నించడం జరిగింది. ఈ తతంగాన్ని అక్కడే ఉన్నవారంతా నవ్వుతూ వీక్షించారు.
అయితే దొంగతనం మోపబడిన పలువురు భక్తులు కన్నీటి పర్యంతమయ్యారు. దీంతో ఆలయాధికారులు వారిని ఓదార్చుతూ, సింహగిరి వరాహ లక్ష్మీనృసింహస్వామివారి వార్షిక కల్యాణోత్సవాల్లో చివరి రోజు వినోదోత్సవంలో భాగంగా నిర్వర్తించిన కార్యక్రమమని, అయ్యవారి ఉంగరం దొరికిందని చెప్పారు. దీంతో అంతవరకు దొంగతనం మోపబడి, ఏడ్చిన భక్తులంతా నవ్వుకున్నారు.
కాగా, అప్పన్న కల్యాణోత్సవంలో ఆరోరోజు రాత్రి దొంగలదోపు ఉత్సవం నిర్వహిస్తారు. ఇందులో ఉభయ దేవేరులతో విహారయాత్రకు వెళ్లిన స్వామివారి ఉంగరం కనిపించకపోవడంతో... ఉంగరం ఉంటేనే రావాలని అమ్మవారు షరతు విధించి, అలుగుతుంది. దీంతో స్వామి మర్నాడు ఉదయం ఉంగరాన్ని వెతుక్కునే పనిలో పడతారు. తన తరపు దూతగా వైదికుల్లో ఒకరిని నియోగించి, భక్తులను తాళ్లతో బంధించి తీసుకొచ్చి ప్రశ్నింపజేస్తారు. ఇందులో భాగంగానే నితిన్ తో పాటు పలువురు భక్తులు దొంగలుగా మారారు. అదండీ విషయం!
