విజయవాడలో పవన్ కల్యాణ్ దిష్టిబొమ్మ దహనానికి యత్నం!

టీడీపీపై, ఆ పార్టీ నేతలపై జనసేన పార్టీ అధినేత పవన్ కల్యాణ్ చేసిన వ్యాఖ్యలపై తెలుగుదేశం మండిపడుతోంది. ఈ నేపథ్యంలో విజయవాడలోని ఎన్టీఆర్ సర్కిల్ వద్ద పవన్ కల్యాణ్ దిష్టి బొమ్మను దహనం చేసేందుకు టీడీపీ కార్యకర్తలు యత్నించారు. వెంటనే, అక్కడికి చేరుకున్న పోలీసులు వారిని అడ్డుకుని, చెదరగొట్టారు. ఈ సందర్భంగా ప్రముఖ రాజకీయవేత్త ఉండవల్లి అరుణ్ కుమార్ పై టీడీపీ కార్యకర్తలు విమర్శలు గుప్పించారు. జనసేన ఆవిర్భావ సభలో పవన్ కల్యాణ్ చదివిన స్క్రిప్ట్ ఉండవల్లి రాసిచ్చిందేనని ఆరోపించారు.ఈ వ్యాఖ్యలను పవన్ కల్యాణ్ వెనక్కి తీసుకోవాలని డిమాండ్ చేశారు.