హార్దిక్ పాండ్యా ప్రేమ వ్యవహారంలో క్లారిటీ వచ్చేసింది.. నటి ఎల్లీతో దొరికిపోయిన ఆల్రౌండర్!
- విమానాశ్రయానికి కారులో వచ్చిన పాండ్యా, ఎల్లీ
- గతంలో కృనాల్ పెళ్లిలో ఫొటోలకు పోజులు
- మరోసారి చర్చనీయాంశమైన పాండ్యా-ఎల్లీ ప్రేమ వ్యవహారం
ఇటీవల జరిగిన హార్దిక్ సోదరుడు కృనాల్ పాండ్యా వివాహానికి ఎల్లీ అవ్రమ్ హాజరయ్యారు. హార్దిక్, ఎల్లీలు పక్కపక్కనే నిల్చుని ఫొటోలకు పోజిచ్చారు. వీరిద్దరి మధ్య ఏదో ఉందన్న వార్తలు హల్చల్ చేశాయి. స్పందించిన ఎల్లీ ఎవరేం అనుకుంటే తనకేంటని ఘాటుగా బదులిచ్చారు. అంతేతప్ప తమ ఇద్దరి మధ్య ఉన్న బంధం గురించి బయటపెట్టలేదు. తాజాగా ఇద్దరూ కలిసి విమానాశ్రయంలో కనిపించడంతో హార్దిక్-ఎల్లీ ప్రేమ వ్యవహారం మరోమారు చర్చనీయాంశమైంది.
