వారెవా...ఏమి స్టిల్ గురూ...!.. అల్లు అర్జున్ పోజుపై నెటిజన్ల ఫిదా

రచయిత వక్కంతం వంశీ డైరెక్షన్‌లో స్టైలిష్ స్టార్ అల్లు అర్జున్ హీరోగా నటిస్తున్న 'నా పేరు సూర్య...నా ఇల్లు ఇండియా' చిత్రం విడుదల తేదీ దగ్గరపడుతున్న కొద్దీ ఆ చిత్రంపై అంచనాలు ఊపందుకుంటున్నాయి. ఈ సినిమాకి సంబంధించి గతంలో విడుదలయిన ట్రైలర్‌కి విపరీతమైన క్రేజ్ వచ్చిన సంగతి తెలిసిందే. ముఖ్యంగా "ఇక్కడ కాదు..బోర్డర్‌లో చనిపోతా" అంటూ బన్నీ చెప్పే డైలాగ్‌కి ఆయన అభిమానులు ఫిదా అయిపోయారు. ఈ సినిమా కచ్చితంగా హిట్టేనంటూ వారు కాన్ఫిడెంట్‌గా చెప్పేస్తున్నారు.

ఇదిలా ఉంటే, ఈ సినిమాకి సంబంధించి తాజాగా విడుదలయిన పోస్టర్ అంచనాలను మరింత పెంచేస్తోంది. ఈ స్టిల్ చూసి అల్లు ఫ్యాన్స్‌తో పాటు నెటిజన్లు 'వారెవా ఏమి స్టిల్ గురూ..అదుర్స్' అంటూ తెగ పొగిడేస్తున్నారు. ఆర్మీ జీపులో స్టీరింగ్ పట్టుకుని స్టైల్‌గా నోట్లో చుట్ట పెట్టుకుని బన్నీ ఇచ్చిన పోజు ఇప్పుడు సోషల్ మీడియాలో తెగ వైరల్ అవుతోంది.