తొలిరోజు వసూళ్లతో 'ఫిదా' ను క్రాస్ చేసిన 'తొలిప్రేమ'

వరుణ్ తేజ్, రాశి ఖన్నా జంటగా రూపొందిన 'తొలిప్రేమ' సినిమా, ఈ నెల 10వ తేదీన ప్రేక్షకుల ముందుకు వచ్చింది. వెంకీ అట్లూరి దర్శకత్వం వహించిన ఈ సినిమా, తొలి ఆటతోనే సక్సెస్ టాక్ తెచ్చుకుంది. ఇక తొలిరోజు వసూళ్ల విషయంలోను ఈ సినిమా అందరినీ ఆశ్చర్యపరిచింది.

వరుణ్ తేజ్ ఇంతకు ముందు చేసిన 'ఫిదా' వసూళ్లను క్రాస్ చేసి, ఆయన కెరియర్లోనే తొలిరోజున అత్యధిక వసూళ్లను రాబట్టిన సినిమాగా నిలిచింది. ఇంతకు ముందు వరుణ్ తేజ్ చేసిన 'ఫిదా' తొలిరోజున 8.45 కోట్లను వసూలు చేయగా, తొలిప్రేమ' 9.5 కోట్లను వసూలు చేసింది. టైటిల్ కి తగినట్టుగానే ఈ సినిమా కంటెంట్ యూత్ ను విపరీతంగా ఆకట్టుకుంది. 'ప్రేమికుల రోజు' సందర్భం ఈ సినిమా వసూళ్లపై మరింత ప్రభావం చూపే అవకాశం ఉందని అంటున్నారు.