టాస్ గెలిచి బ్యాటింగ్ ఎంచుకున్న టీమిండియా.. ఈ మ్యాచ్ గెలిస్తే రికార్డే!

దక్షిణాఫ్రికా, భారత్ క్రికెట్ జట్ల మధ్య జరుగుతోన్న ఆరు వన్డేల సిరీస్‌లో భాగంగా నాలుగో వన్డే కాసేపట్లో ప్రారంభం కానుంది. ఇప్పటికే వరుసగా మూడు వన్డేలు ఓడిపోయిన దక్షిణాఫ్రికా ఈ వన్డేలోనూ ఓడిపోతే సిరీస్ కోల్పోతుంది. నాలుగో వన్డే దక్షిణాఫ్రికాలోని జోహన్నెస్ బర్గ్ లోని వాండరర్స్ స్టేడియంలో జరుగుతోంది.

టాస్ గెలిచిన టీమిండియా మొదట బ్యాటింగ్ ఎంచుకుంది. ఈ వన్డేలోనూ గెలిచి దక్షిణాఫ్రికాపై రికార్డు విజయం సాధించాలని కోహ్లీ సేన ఉత్సాహంగా ఉంది. ఈ రోజు విజయం సాధిస్తే, ద‌క్షిణాఫ్రికా గడ్డపై ఐదు లేక అంతకన్నా ఎక్కువ వన్డేల సిరీస్ గెలిచిన రెండో టీమ్‌గా భార‌త్ రికార్డు నెల‌కొల్పుతుంది.