సినిమా కబుర్లు.. సంక్షిప్త సమాచారం!

*  ఏ సినిమా విషయంలోనైనా దర్శకుడి పనిలో తాను జోక్యం చేసుకోనని అంటోంది అందాలభామ శ్రుతి హాసన్. 'నా పాత్ర ఇలా వుండాలి, అలా వుండాలి అని ఏ దర్శకుడికీ చెప్పను. దర్శకుడు ఎలా చెబితే అలాగే చేస్తాను. అతని పనిలో జోక్యం చేసుకోను. అందుకే, తెరపై నా క్యారెక్టర్ బాగుందంటే ఆ ఘనత దర్శకుడికే ఇస్తాను. బాగోలేనప్పుడు కూడా ఆ క్రెడిట్ ఎక్కువగా అతనికే చెందుతుంది' అని చెప్పింది.
*  మోహన్ బాబు ప్రధాన పాత్ర పోషించిన 'గాయత్రి' చిత్రం సెన్సార్ నుంచి U/A సర్టిఫికేట్ పొందింది. ఈ నెల 9న చిత్రాన్ని భారీ ఎత్తున రిలీజ్ చేయడానికి ఏర్పాట్లు చేస్తున్నారు. మదన్ దర్శకత్వం వహించిన ఈ చిత్రంలో ఇతర ముఖ్య పాత్రలను విష్ణు, శ్రియా పోషించారు.
*  ప్రముఖ నటుడు కమలహాసన్ ని అమెరికాలోని ప్రఖ్యాత హార్వార్డ్ యూనివర్శిటీ ఓ సదస్సుకి ఆహ్వానించింది. ఈ నెల 10న జరిగే ఈ సదస్సులో ఆయన ప్రస్తుతం తమిళనాడు ఎదుర్కుంటున్న ప్రధాన సమస్యపై మాట్లాడతారు.
*  కథానాయిక అనుష్కపై మెగా హీరో రామ్ చరణ్ ప్రశంసలు కురిపించాడు. 'భాగమతి' సినిమా చూశానని, అనుష్క అభినయం మైండ్ బ్లోయింగ్ గా వుందని, ఆమెకు, చిత్రం టీమ్ కు కంగ్రాట్స్ అని పేర్కొన్నాడు.