గేమర్లకు శుభవార్త...గేమ్ని లైవ్ స్ట్రీమ్ చేసి డబ్బులు సంపాదించుకునే అవకాశం
- ప్రయోగాత్మక దశలో గేమ్ ప్లే
- అంతర్జాతీయంగా 2 బిలియన్ల వినియోగదారులకు స్ట్రీమింగ్
- ప్రస్తుతానికి డెస్క్టాప్ యూజర్లకు మాత్రమే
ప్రస్తుతం ఈ గేమ్ ప్లే సదుపాయాన్ని కొంతమందికి మాత్రమే అందుబాటులోకి తీసుకువచ్చింది. దీని ద్వారా అంతర్జాతీయంగా ఉన్న 2 బిలియన్ల మంది ఫేస్బుక్ వినియోగదారులు గేమింగ్ వీడియోను ప్రసారం చేసే అవకాశం ఉంది. గేమర్లు ఆడుతుండగా వారు ఆడే విధానాన్ని చూసేందుకు చాలా మంది ఆసక్తి చూపిస్తుంటారు. దీని ఆధారంగా ట్విచ్ అనే వెబ్సైట్ లైవ్ గేమ్ స్ట్రీమింగ్ని ప్రారంభించింది. ఆ తర్వాత యూట్యూబ్ కూడా ఈ సదుపాయాన్ని ప్రవేశపెట్టింది.
ఇప్పుడు అదే బాటలో ఫేస్బుక్ కూడా పయనిస్తుండటంతో ఇంట్లో కూర్చుని గేమ్స్ ఆడేవారికి మరింత సదుపాయం చేకూరనుంది. ప్రస్తుతం డెస్క్టాప్ యూజర్లకు మాత్రమే అందుబాటులో ఉన్న ఈ ఫీచర్ ద్వారా కనిష్టంగా 3 డాలర్ల వరకు సంపాదించుకునే అవకాశం ఉందని టెక్ క్రంచ్ మేగజైన్ పేర్కొంది. అయితే మానిటైజింగ్ విధానాల గురించి ఫేస్బుక్ ఇంకా ఎలాంటి అధికారిక స్పష్టతను ఇవ్వలేదు.
