లండ‌న్ వీధుల్లో పెద్ద బెలూన్‌... భ‌యాందోళ‌న‌ల‌కు గురైన ప్ర‌జ‌లు!

ప‌ర్యాట‌క ఆక‌ర్షణ కోసం ఏర్పాటు చేసిన భారీ బెలూన్‌ని చూసి లండ‌న్ ప్ర‌జ‌లు పొరపాటు పడి భయానికి గురయ్యారు. లండ‌న్‌లోని ర‌ద్దీ ప్రాంతాల్లో ఒక‌టైన‌ ఆక్స్‌ఫ‌ర్డ్ స‌ర్క‌స్ వీధిలో ఈ బెలూన్‌ను ఏర్పాటు చేశారు. అయితే తీవ్రంగా గాలులు వీయ‌డంతో ఈ బెలూన్ కొద్దిగా కింద‌కి జారింది. దీంతో ఆ రోడ్డు మీదుగా వెళ్లిన డ‌బుల్ డెక్క‌ర్ బ‌స్సుల‌కు అది త‌గిలింది. అంతేకాకుండా అక్క‌డి బిల్‌బోర్డులు, వైర్ల‌కు ఈ బెలూన్ చిక్కుకుని పెద్ద శ‌బ్దం చేయ‌డంతో ఏదో ప్ర‌మాదం జ‌ర‌గ‌నుంద‌ని అక్క‌డి వారంతా భ‌య‌ప‌డ్డారు.

ఈ కార‌ణంగా ట్రాఫిక్‌కి కూడా తీవ్ర అంత‌రాయం క‌లిగింది. కొన్ని క్ష‌ణాల పాటు ఏం జ‌రుగుతోందో అర్థంకాని ప‌రిస్థితి ఏర్ప‌డింద‌ని లండ‌న్ వాసులు ట్విట్ట‌ర్‌లో పోస్టులు చేశారు. చివ‌రికి పోలీసులు క‌ల‌గ‌జేసుకుని ట్రాఫిక్‌ని నియంత్రించడంతో అంద‌రూ ఊపిరి పీల్చుకున్నారు.