శ్రీలంక అభిమానిని రిసెప్ష‌న్‌కి ఆహ్వానించిన విరుష్క జంట‌.. ఆనందడోలికల్లో అభిమాని!

ముంబైలో నిన్న జ‌రిగిన విరాట్ కోహ్లీ, అనుష్క శ‌ర్మ‌ల రిసెప్ష‌న్‌కి క్రికెట‌ర్లు, బాలీవుడ్ తార‌లు హాజ‌రైన సంగ‌తి తెలిసిందే. పెద్ద పెద్ద సెలెబ్రిటీలు హాజ‌రై ఈ వేడుక‌కు సంబంధించిన ఫొటోలు ప్ర‌స్తుతం సోష‌ల్ మీడియాలో వైర‌ల్‌గా మారాయి. వాటిలో ఒక ఫొటోలో ఉన్న వ్య‌క్తి అంద‌రి దృష్టిని ఆకర్షిస్తున్నాడు. చూడ‌టానికి న‌టుడిగా కానీ, క్రికెట‌ర్ గానీ, క‌నీసం సెలెబ్రిటీగా కానీ క‌నిపించ‌డం లేదు. ఏదో సాధార‌ణ వ్య‌క్తిలా ఉన్న అత‌ను ఎవ‌ర‌బ్బా? అని అంద‌రూ అనుకుంటున్నారు.

ఆ వ్య‌క్తి పేరు గ‌యాన్ సేన‌నాయ‌కే. విరుష్క‌ల రిసెప్ష‌న్ కోసం శ్రీలంక నుంచి వ‌చ్చాడు. 2007లో మ‌లేసియాలో విరాట్ అండ‌ర్‌-19లో ఆడుతున్న‌పుడు గ‌యాన్‌ను మొద‌టిసారిగా క‌లిశాడు. అప్ప‌ట్నుంచి ఇక ప్ర‌తి మ్యాచులోనూ విరాట్‌, గ‌యాన్‌లు క‌లిసే వారు. అలా వారి మ‌ధ్య స్నేహం ఏర్ప‌డింది. ఆ స్నేహాన్ని గుర్తుపెట్టుకుని విరాట్, గ‌యాన్‌ని రిసెప్ష‌న్‌కి ఆహ్వానించాడు. అందుకు త‌ను చాలా ఆనంద‌ప‌డుతున్నాన‌ని గ‌యాన్ వెల్ల‌డించాడు. అదే రిసెప్ష‌న్‌కి హాజ‌రైన సెలెబ్రిటీల‌ను చూసి తాను ఉబ్బిత‌బ్బిబ్బైన‌ట్లు గ‌యాన్ తెలిపాడు. అంతేకాదు.. తాను స‌చిన్‌, జ‌డేజా వంటి క్రికెట‌ర్ల‌తో పాటు, బాలీవుడ్ తార‌ల‌తో కూడా సెల్ఫీలు తీసుకున్న‌ట్లుగా గ‌యాన్ చెప్పాడు.