‘రక్తచరిత్ర’లో వాస్తవాలు చూపించలేదు: మద్దెల చెరువు సూరి సోదరి గంగుల హేమలత

‘రక్తచరిత్ర’ సినిమాలో చూపించినట్టుగా మా కుటుంబాలకు చెందిన వారి ఇళ్లన్నీ ఎదురెదురుగా ఏమీ లేవని మద్దెలచెరువు సూరి చెల్లెలు గంగుల హేమలతారెడ్డి అన్నారు. ఓ ఇంటర్వ్యూలో ఆమె మాట్లాడుతూ, ‘రక్తచరిత్ర సినిమా రెండు భాగాలు చూశాను. వాస్తవంగా జరిగింది వేరు, ఆ సినిమాలో చూపించింది వేరు. ఈ సినిమాలో గంగుల కుటుంబం గురించి చూపించినవన్నీ వాస్తవాలు కాదు. సినిమాకు తగ్గట్టుగా కథ మార్చుకున్నారు కానీ, వాస్తవాలు చూపించలేదు’ అని తన అభిప్రాయం వ్యక్తం చేశారు. కాగా, ప్రముఖ దర్శకుడు రామ్ గోపాల్ వర్మ దర్శకత్వంలో గతంలో విడుదలైన సినిమా ‘రక్తచరిత్ర’.