కోహ్లీతో నన్ను పోల్చవద్దు: పాక్ క్రికెటర్ బాబర్ ఆజమ్

టీమిండియా కెప్టెన్ విరాట్ కోహ్లీ తన అద్భుత ఫామ్ తో రికార్డుల మోత మోగిస్తున్నాడు. ఈ నేపథ్యంలో, కోహ్లీతో ప్రపంచ వ్యాప్తంగా ఉన్న కొందరు క్రికెటర్లను పోల్చడం జరుగుతోంది. ముఖ్యంగా స్టీవ్ స్మిత్, కేన్ రిచర్డ్ సన్, జో రూట్ లను కోహ్లీతో పోల్చడం ఎక్కువగా జరిగింది. ఇటీవల కాలంలో బాగా రాణిస్తున్న పాక్ బ్యాట్స్ మెన్ బాబర్ ఆజమ్ ను కూడా కోహ్లీతో పోల్చడం జరిగింది.

పాక్ కోచ్ మిక్కీ ఆర్థర్... బాబర్ ను కోహ్లీతో పోలుస్తూ... 23 ఏళ్ల వయసులో కోహ్లీ ఆడినట్టే బాబర్ ఆడుతున్నాడని చెప్పాడు. దీనిపై ఓ ఇంటర్వూలో బాబర్ స్పందించాడు. ప్రపంచంలోనే కోహ్లీ నెంబర్ వన్ బ్యాట్స్ మెన్ అని... అంత గొప్ప ఆటగాడితో తనను పోల్చవద్దని విన్నవించాడు. కోహ్లీతో తనను పోల్చడం కోచ్ గా మిక్కీ అభిప్రాయం మాత్రమేనని చెప్పాడు. అయితే, పాక్ తరపున తాను అత్యున్నత రీతిలో ఆడాలనుకుంటున్నట్టు తెలిపాడు.