అలనాటి బాలీవుడ్ తార మీనా కుమారి పాత్ర‌లో స‌న్నీలియోన్‌!

అలనాటి బాలీవుడ్‌ తార మీనా కుమారి పాత్రలో సన్నీలియోన్ కనపడనుంది. కరణ్‌ రాజ్దాన్ దర్శకత్వంలో మీనా కుమారి జీవితం ఆధారంగా బాలీవుడ్ లో రాబోతున్న ఈ సినిమాలో మొదట్లో విద్యా బాలన్‌ను తీసుకున్నారు. అయితే, ఆమె ఈ సినిమా నుంచి త‌ప్పుకోవ‌డంతో ఈ పాత్ర‌కు సన్నీ లియోన్ ని ఎంపిక చేశారు.
 
ఈ సినిమా కథ విన్న వెంటనే స‌న్నీలియోన్ ఓకే చెప్పేసింద‌ని ఆ సినిమా బృందం తెలిపింది. ఈ సినిమా దర్శకుడు కరణ్‌ రాజ్దాన్ తాజాగా మాట్లాడుతూ...  స‌న్నీ లియోన్‌కు అర్థమయ్యేలా తాను స్క్రిప్ట్‌ వివరించాన‌ని అన్నారు. మొద‌ట‌ ఈ పాత్రకు సన్నీని తీసుకోవాలని అనుకోలేదని, క‌థ చెప్ప‌గానే సన్నీలియోన్‌ మాత్రం చాలా కాన్ఫిడెంట్‌గా ఉన్నట్లు క‌నిపించింద‌ని తెలిపారు. అల‌నాటి న‌టి మీనాకుమారి మ‌ద్యానికి బానిసై మృతి చెందిన విష‌యాన్ని తాము చూపిస్తామ‌ని చెప్పారు.