వెంకటేశ్ సరసన అనుష్క కాదు .. అదితీ రావ్!

తేజ దర్శకత్వంలో వెంకటేశ్ ఒక సినిమా చేయనున్న సంగతి తెలిసిందే. ఇటీవలే ఈ సినిమాను లాంచ్ చేశారు. ప్రస్తుతం అందుకు సంబంధించిన సన్నాహాలు జరుగుతున్నాయి. ఈ సినిమాలో కథానాయికగా కాజల్ ను తీసుకోనున్నట్టుగా వార్తలు వచ్చాయి. ఆ తరువాత తమన్నా పేరు ఎక్కువగా వినిపించింది.

 ఈ ఇద్దరు కథానాయికలు పారితోషికం ఎక్కువగా అడగడం వలన, అనుష్కను తీసుకోనున్నట్టుగా ప్రచారం జరుగుతూ వచ్చింది. అయితే ఈ వార్తలో నిజం లేదనేది తాజా సమాచారం. ఈ సినిమాలో కథానాయికగా అదితీరావును తీసుకోనున్నట్టు తెలుస్తోంది. ఈ సినిమా కోసం ఆమెను అడగడం .. ఆమె ఓకే చెప్పడం జరిగిపోయాయట. ప్రస్తుతం ఆమె సుధీర్ బాబు హీరోగా ఇంద్రగంటి మోహనకృష్ణ దర్శకత్వంలో తెరకెక్కుతోన్న సినిమా చేస్తోన్న సంగతి తెలిసిందే.