ఇంటెక్స్‌తో ఒప్పందం చేసుకున్న ఎయిర్‌టెల్‌... త్వ‌ర‌లో మూడు కొత్త స్మార్ట్‌ఫోన్లు

టెలికాం దిగ్గ‌జం ఎయిర్‌టెల్‌, ప్ర‌ముఖ మొబైల్ త‌యారీ కంపెనీ ఇంటెక్స్‌తో ఓ ఒప్పందం చేసుకుంది. దీని ప్ర‌కారం డేటా, వాయిస్ కాల్స్ ఆఫ‌ర్ల‌తో కూడిన మూడు స‌రికొత్త 4జీ స్మార్ట్‌ఫోన్ల‌ను అందుబాటు ధ‌ర‌కే అందించేందుకు ఇరు కంపెనీలు ప్ర‌య‌త్నిస్తున్నాయి. ఆక్వా ల‌య‌న్స్ ఎన్ 1, ఆక్వా ఏ4, ఆక్వా ఎస్‌3 పేరిట ఈ మోడ‌ళ్ల‌ను త‌యారు చేయ‌నున్నారు. నిజానికి వీటి ధ‌ర వ‌రుస‌గా రూ. 3,799, రూ. 4,999, రూ. 6,649. కానీ ఎయిర్‌టెల్ క్యాష్‌బ్యాక్‌తో క‌లిపి తీసుకుంటే కనిష్టంగా రూ. 1,649 ప‌డుతుంది.

ఈ క్యాష్‌బ్యాక్ ఆఫ‌ర్ వ‌ర్తించాలంటే వ‌రుస‌గా 36 నెల‌ల‌పాటు ఎయిర్‌టెల్‌లో రూ. 169తో రీచార్జీ చేసుకోవాలి. అప్పుడు మొద‌టి 18 నెల‌ల త‌ర్వాత రూ. 500 క్యాష్‌బ్యాక్‌, త‌ర్వాతి 18 నెల‌ల‌కు రూ. 1000 క్యాష్‌బ్యాక్ వ‌స్తుంది.