ఒబామాకు పూనమ్ కౌర్ ప్రత్యేక బహుమతి

ప్రముఖ సినీ నటి పూనమ్ కౌర్ అమెరికా మాజీ అధ్యక్షుడు బరాక్ ఒబామాను కలిసింది. భారత పర్యటనలో భాగంగా ఒబామా ఢిల్లీలో జరిగిన ఒక కార్యక్రమంలో పాల్గొన్న సంగతి తెలిసిందే. ఈ సందర్భంగా ఆయనను కలిసిన పూనమ్ కౌర్ చేనేత వస్త్రాలను బహుమతిగా అందజేసింది.

ఈ విషయాన్ని ఆమె తన ట్విట్టర్ ఖాతా ద్వారా తెలుపుతూ.. "నా జీవితంలో అంత్యంత విలువైన క్షణాలు గడిపాను. నేనెవరికి గౌరవం ఇస్తానో, నేనెవరిని చూసి స్ఫూర్తి పొందుతానో ఆ వ్యక్తిని కలిశాను. నేను ప్రేమించే ఇద్దరు వ్యక్తులకు అందజేయమని చేనేత వస్త్రాలను ఆయనకు అందజేశాను" అని ట్వీట్ చేసింది.

కాగా, పూనమ్ కౌర్ ఆంధ్రప్రదేశ్‌ చేనేత ప్రచారకర్త బాధ్యతలు నిర్వర్తించనున్నారని ఇటీవల ముఖ్యమంత్రి నారా చంద్రబాబు నాయుడు ప్రకటించిన సంగతి తెలిసిందే.