ఇక సంక్రాంతికి రానున్న 'మిడిల్ క్లాస్ అబ్బాయి'!

నాని కథానాయకుడిగా వేణుశ్రీరామ్ దర్శకత్వంలో 'మిడిల్ క్లాస్ అబ్బాయి' చిత్రం రూపొందుతోంది. దిల్ రాజు నిర్మిస్తోన్న ఈ సినిమాలో కథానాయికగా సాయిపల్లవి నటిస్తోంది. ఈ సినిమాను క్రిస్మస్ కానుకగా వచ్చేనెల 22న విడుదల చేయాలనుకున్నారు. కానీ అదే రోజున అఖిల్ 'హలో' మూవీ వస్తోంది. నాగ్ రిక్వెస్ట్ తో ఈ విడుదల తేదీని మార్చుకుని, కాస్త ముందుగా అంటే వచ్చేనెల 15వ తేదీన విడుదల చేయాలని దిల్ రాజు నిర్ణయించుకున్నట్టుగా వార్తలు వచ్చాయి.

 అయితే ఈ సినిమాను ఏకంగా సంక్రాంతికే విడుదల చేయాలని దిల్ రాజు భావిస్తున్నాడనేది తాజా సమాచారం. ఈ సినిమా కంటెంట్ యూత్ తో పాటు ఫ్యామిలీ ఆడియన్స్ ను ఆకట్టుకునేది కావడంతో, సంక్రాంతికి రిలీజ్ చేయడమే సరైనదనే ఉద్దేశంతో దిల్ రాజు వున్నాడని అంటున్నారు. మొత్తానికి సంక్రాంతికి రెడీ అవుతోన్న హీరోల జాబితాలో నాని కూడా చేరిపోయినట్టేనని చెప్పుకుంటున్నారు.