సోదరుడిని గుర్తుచేసుకుని కంటతడి పెట్టిన అచ్చెన్నాయుడు!

దివంగత టీడీపీ నేత ఎర్రన్నాయుడు వర్ధంతి కార్యక్రమంలో ఆయన సోదరుడు, ఏపీ మంత్రి అచ్చెన్నాయుడు కంటతడి పెట్టారు. శ్రీకాకుళం జిల్లాలోని నిమ్మాడలో ఎర్రన్నాయుడి వర్ధంతి కార్యక్రమం ఈరోజు నిర్వహించారు. ఈ కార్యక్రమానికి ఎంపీ రామ్మోహన్ నాయుడు, ఆయన కుటుంబసభ్యులు తదితరులు హాజరయ్యారు.

ఎర్రన్నాయుడితో తనకు ఉన్న అనుబంధాన్ని గుర్తుచేసుకున్న అచ్చెన్నాయుడు భావోద్వేగం చెందారు. శ్రీకాకుళం అభివృద్ధికి తన సోదరుడు చేసిన కృషిని ఈ సందర్భంగా ఆయన ప్రస్తావించారు. శ్రీకాకుళం జిల్లాలో ప్రతి ఎకరాకు సాగునీరు అందించాలని తన సోదరుడు ఆకాంక్షించిన విషయాన్ని గుర్తుచేసుకున్నారు. వచ్చే రెండేళ్లలో తన సోదరుడి కలను పూర్తి స్థాయిలో నెరవేరుస్తానని, ఇప్పటికే జిల్లాలో ప్రాధాన్యతా క్రమంలో సాగునీటిని అందిస్తున్నామని చెప్పారు.