శాస‌న‌స‌భ స‌భ్య‌త్వానికి కూడా రేవంత్ రెడ్డి రాజీనామా

ఆంధ్ర‌ప్ర‌దేశ్ ముఖ్యమంత్రి చంద్ర‌బాబు నాయుడు ఏర్పాటు చేసిన‌ స‌మావేశంలో పాల్గొన‌డానికి విజ‌య‌వాడ‌కు వెళ్లిన రేవంత్ రెడ్డి టీడీపీకి రాజీనామా చేసిన విష‌యం తెలిసిందే. తాజాగా ఆయ‌న శాస‌న‌స‌భ స‌భ్య‌త్వానికి కూడా రాజీనామా చేశారు. ఈ మేర‌కు ఆయ‌న తెలంగాణ శాస‌న‌స‌భాప‌తి మ‌ధుసూద‌న‌చారికి లేఖ పంపారు. అయితే, తాను రాజీనామా చేయ‌డానికి గ‌ల కార‌ణాలను మాత్రం లేఖ‌లో పేర్కొన‌లేదు. రాజీనామా చేస్తున్నాను అనే విష‌యాన్ని మాత్ర‌మే లేఖ‌లో ప్ర‌స్తావించారు. స్పీకర్ ఫార్మాట్లోనే వున్న ఆ రాజీనామా లేఖను రేవంత్ రెడ్డి నిన్నే రెడీ చేసి పెట్టుకున్నారు. అక్టోబ‌ర్ 27, 2017 తేదీతో ఆ లేఖ ఉంది.