హైద‌రాబాద్‌లో మరో నకిలీ బాబా అరెస్టు!

జాత‌కాలు చెబుతామంటూ, ద‌రిద్రాన్ని వ‌ద‌ల‌కొడ‌తామంటూ హైద‌రాబాద్‌లో అమాయ‌కుల వ‌ద్ద డ‌బ్బులు తీసుకుంటోన్న న‌కిలీ బాబాల ఆగ‌డాల‌కు పోలీసులు చెక్ పెడుతున్నారు. న‌గ‌రంలోని బల్కంపేటలో రంగురాళ్లను మహిమ గల రాళ్లు అని చెబుతూ మోసం చేస్తోన్న ఓ బాబాను నిన్న పోలీసులు అరెస్టు చేసిన విష‌యం తెలిసిందే. ఈ రోజు న‌గ‌రంలోని వనస్థలిపురంలో పోలీసులు మ‌రో బాబాను అరెస్టు చేశారు.

నర్సింహాచార్యులు అనే వ్య‌క్తి భ‌విష్య‌వాణి పేరిట మోసాల‌కు పాల్ప‌డుతున్నాడ‌ని, అత‌డి వ‌ద్ద సీబీఐ న‌కిలీ గుర్తింపు కార్డు కూడా ఉంద‌ని పోలీసులు గుర్తించారు. ఆ బాబా వ‌ద్ద నుంచి రూ.5 లక్షలు, 5 కిలోల వెండి, ఓ కారు స్వాధీనం చేసుకున్నట్లు చెప్పారు.