కృష్ణా జిల్లా, విజ‌య‌వాడ న‌గ‌ర కాంగ్రెస్ సంస్థాగత ఎన్నిక‌ల ప్ర‌క్రియ పూర్తి: ఏపీఆర్వో టీకే రామ్

అఖిల భార‌త కాంగ్రెస్ క‌మిటీ ఆదేశాల మేర‌కు కృష్ణా జిల్లా, విజ‌య‌వాడ న‌గ‌ర కాంగ్రెస్ క‌మిటీ సంస్థాగ‌త ఎన్నిక‌ల ప్ర‌క్రియ పూర్తి అయిన‌ట్లు ఆంధ్రప్ర‌దేశ్ పార్టీ ఉప ఎన్నిక‌ల అధికారి టీకే రామ్ (ఏపీఆర్వో) తెలిపారు. ఈ మేర‌కు ఆయ‌న ఏపీసీసీ కార్యాల‌యం నుంచి ఈ రోజు ప్ర‌క‌ట‌న విడుద‌ల చేశారు. కృష్ణా జిల్లా పార్టీ ఎన్నిక‌ల అధికారి (డీఆర్వో) విల్లాస్ ఆటేడురావు ఆధ్వ‌ర్యంలో ఎన్నిక‌ల ప్ర‌క్రియ పూర్త‌యింద‌న్నారు.

ఇందులో భాగంగా కృష్ణా జిల్లా నియోజ‌క వ‌ర్గాల వారీగా బూత్ క‌మిటీలు, బ్లాక్ క‌మిటీల‌ను నియ‌మించామ‌న్నారు. ఆ వివ‌రాల‌ను ఈ రోజు డీసీసీ అధ్య‌క్షుడు ధ‌నేకుల ముర‌ళి, న‌గ‌ర కాంగ్రెస్ అధ్య‌క్షుడు ఆకుల శ్రీనివాస్ కు అందించిన‌ట్లు తెలిపారు. ఈ కార్య‌క్ర‌మంలో ఏపీసీసీ ప్ర‌ధాన కార్య‌ద‌ర్శి న‌ర‌సింహారావు, అధికార ప్ర‌తినిధి వెన్న‌ ర‌మేశ్ త‌దిత‌రులు పాల్గొన్నారు.