తొలి పాయింట్ తో బోణీ కొట్టిన పీవీ సింధు... భారత అభిమానుల కేరింతలతో దద్దరిల్లిపోతున్న స్టేడియం!

విక్టర్ కొరియా బ్యాడ్మింటన్ ఫైనల్ పోరు కొద్దిసేపటి క్రితం పీవీ సింధు, జపాన్ క్రీడాకారిణి ఒకుహరా మధ్య ప్రారంభమైంది. ఈ మ్యాచ్ లో తొలిగా సర్వ్ చేసిన పీవీ సింధు, తొలి పాయింట్ ను సాధించగానే స్టేడియంలోని అభిమానులు ఆనందంతో కేరింతలు కొట్టారు. స్టేడియం నిండా భారత అభిమానులు లేనప్పటికీ, ప్రతి పాయింట్ కూ ఆమెకు అభిమానుల చప్పట్లతో మద్దతు లభిస్తూనే ఉంది. ఈ మ్యాచ్ లో సింధూ విజయం సాధించి, వరల్డ్ బ్యాడ్మింటన్ ఫైనల్ పోరులో ఒకుహరా నుంచి తనకు ఎదురైన ఓటమికి ప్రతీకారం తీర్చుకోవాలని ప్రతి బ్యాడ్మింటన్ అభిమానీ కోరుకుంటున్నాడు. ప్రస్తుతం తొలి సెట్ లో సింధూ 6-5 తేడాతో స్వల్ప ఆధిక్యంలో కొనసాగుతోంది.