వెంకీ, రానా మల్టీస్టారర్ తమిళ మూవీకి రీమేక్ అట!

వెంకటేశ్, రానా కథానాయకులుగా ఒక భారీ మల్టీ స్టారర్ తెరకెక్కనుందనే టాక్ కొన్ని రోజులుగా వినిపిస్తోంది. దాంతో అందరి దృష్టి ఈ ప్రాజెక్టుపై పడింది. సురేశ్ ప్రొడక్షన్స్ బ్యానర్ పై ఈ సినిమా వుండనుందనే విషయం మరింత ఆత్రుతను పెంచుతోంది. ఈ ఇద్దరూ చేసే కథ ఏ తరహాకి చెందినది... దర్శకుడెవరు? అనేది ఆసక్తిగా మారింది.

ఈ నేపథ్యంలో ఈ సినిమా 'విక్రమ్ వేదా' అనే తమిళ మూవీకి రీమేక్ అని తెలుస్తోంది. మాధవన్, విజయ్ సేతుపతి కథానాయకులుగా నటించిన ఈ సినిమా, ఈ మధ్య తమిళంలో ఘన విజయాన్ని సాధించింది. ఈ సినిమాలో మాధవన్ ఎన్ కౌంటర్ స్పెషలిస్ట్ గా, విజయ్ సేతుపతి గ్యాంగ్ స్టర్ గా అదరగొట్టేశారు. మాధవన్ పాత్రను వెంకటేశ్, విజయ్ సేతుపతి పాత్రను రానా చేయడానికి రెడీ అవుతున్నట్టు తెలుస్తోంది. ఇక దర్శకుడెవరన్నది త్వరలో తేలనుంది.