ముంబైలో ‘గోల్‌మాల్‌’ సెట్లో బన్నీ సందడి!

అల్లు అర్జున్ తన తదుపరి సినిమాను వక్కంతం వంశీ దర్శకత్వంలో చేయనున్నాడు. ప్రస్తుతం అందుకు సంబంధించిన సన్నాహాలు జరుగుతున్నాయి. సెట్స్ పైకి వెళ్లడానికి ఇంకా సమయం ఉండటంతో .. ఈ గ్యాప్ లో బన్నీ ఒక యాడ్ చేస్తున్నాడు. ఇందుకు సంబంధించిన షూటింగ్ ముంబైలోని ఓ స్టూడియోలో జరుగుతోంది. ఆ పక్కనే గల ఫ్లోర్ లో 'గోల్ మాల్ ఎగైన్' షూటింగ్ జరుగుతోంది.

అజయ్ దేవగణ్ .. టబూ .. పరిణీతి చోప్రా ప్రధానమైన పాత్రలను పోషిస్తోన్న ఈ సినిమాకి, రోహిత్ శెట్టి  దర్శకుడిగా వ్యవహరిస్తున్నాడు. పక్కనే గల ఫ్లోర్ లో బన్నీ షూటింగ్ జరుగుతోందని తెలుసుకున్న ఈ సినిమా టీమ్, ఆయనని ఆత్మీయంగా తమ సినిమా సెట్ కి ఆహ్వానించారు. దాంతో బన్నీ అక్కడికి వెళ్లి వాళ్లతో మాటామంతి జరిపాడు. 'గోల్ మాల్ ఎగైన్ ' టీమ్ కి శుభాకాంక్షలు అందజేసిన ఆయన, తిరిగొచ్చి తన షూటింగులో నిమగ్నమై పోయాడు.