వచ్చేసింది... గోదావరి తీరాన పులసల సీజన్... కిలో రూ. 5 వేలు!
పుస్తెలమ్ముకునైనా పులస తినాలనేది ఉభయ గోదావరి జిల్లాల్లో పేరున్న సామెత. జూలై నుంచి సెప్టెంబర్ మధ్య గోదావరికి వరదలు వస్తే, ఎర్ర నీటి మట్టిని తిని పెరుగుతూ, సముద్రం నుంచి ఎదురు ఈదుతూ ధవళేశ్వరం బ్యారేజీ వరకూ వచ్చే ఈ పులస చేపల సీజన్ మొదలైంది. ఇటీవలి వర్షాలకు గోదావరిలో వరద నీరు ప్రవహిస్తుండగా, ధవళేశ్వరం, ఆత్రేయపురం, వద్దిపర్రు, బొబ్బర్లంక, సిద్ధాంతం తదితర ప్రాంతాల్లో ఈ చేపలు లభిస్తున్నాయి.
ఉభయగోదావరి జిల్లాల నుంచి ప్రవహించే గౌతమి, వృద్ధ గౌతమి, వశిష్ట, వైనతేయ నదుల్లో పులస చేపల కోసం మత్స్యకారులు తీవ్రంగా శ్రమిస్తుండగా, కిలో చేప ఖరీదు, అది లభించే ప్రాంతాన్ని బట్టి రూ. 3 వేల నుంచి రూ. 5 వేల వరకూ పలుకుతోంది. ఈ రకం చేపలకు ఉన్న డిమాండ్ కారణంగా ఆన్ లైన్ లో కూడా విక్రయాలు ప్రారంభమయ్యాయి. అయితే, కొందరు గోదావరి పులస పోలికతో ఉండే చేపలను ఒడిశా నుంచి తెచ్చి అమ్ముతున్నారన్న ఆరోపణలూ వస్తున్నాయి. అయితే, ఈ ప్రాంతంలో మాత్రమే ప్రత్యేకంగా లభించే పులస చేపల పొలుసులపై ఎర్రజార ఉంటుందని, కొనే ముందు దాన్ని చూసి కొనుక్కోవాలని మత్స్యకారులు సలహా ఇస్తున్నారు.
ఉభయగోదావరి జిల్లాల నుంచి ప్రవహించే గౌతమి, వృద్ధ గౌతమి, వశిష్ట, వైనతేయ నదుల్లో పులస చేపల కోసం మత్స్యకారులు తీవ్రంగా శ్రమిస్తుండగా, కిలో చేప ఖరీదు, అది లభించే ప్రాంతాన్ని బట్టి రూ. 3 వేల నుంచి రూ. 5 వేల వరకూ పలుకుతోంది. ఈ రకం చేపలకు ఉన్న డిమాండ్ కారణంగా ఆన్ లైన్ లో కూడా విక్రయాలు ప్రారంభమయ్యాయి. అయితే, కొందరు గోదావరి పులస పోలికతో ఉండే చేపలను ఒడిశా నుంచి తెచ్చి అమ్ముతున్నారన్న ఆరోపణలూ వస్తున్నాయి. అయితే, ఈ ప్రాంతంలో మాత్రమే ప్రత్యేకంగా లభించే పులస చేపల పొలుసులపై ఎర్రజార ఉంటుందని, కొనే ముందు దాన్ని చూసి కొనుక్కోవాలని మత్స్యకారులు సలహా ఇస్తున్నారు.