పాకిస్థాన్ లో భారీ బాంబు పేలుడు...30 మంది మృతి, 100కు పైగా క్షతగాత్రులు...మిన్నంటిన హాహాకారాలు
పాకిస్థాన్ లో భారీ బాంబు పేలుడు సంభవించింది. పాకిస్థాన్ లోని సూఫీ ముస్లింలు పవిత్రంగా భావించే లాహోర్ లోని షాబాజ్ ఖలందర్ మసీదు దగ్గర ఈ భారీ బాంబు పేలుడు సంభవించింది. దీంతో మసీదు పరిసరాల్లో హాహాకారాలు మిన్నంటాయి. స్థానికులు, పోలీసులు సహాయ చర్యల్లో పాలుపంచుకుంటున్నారు. ఈ ఘటనలో ఇప్పటి వరకు 30 మంది మృతి చెందినట్టు గుర్తించారు. మృతుల సంఖ్య మరింత పెరిగే సూచనలు కనిపిస్తున్నాయి. మసీదు పరిసరాల్లో ఎటు చూసినా తెగిపడిన శరీర భాగాలు, మృతదేహాలు కనిపిస్తున్నాయి. క్షతగాత్రులు హాహాకారాలు చేస్తున్నారు. అక్కడ భీతావహ పరిస్థితులు నెలకొన్నాయి.
